Голманот на новиот франциски шампион, Мајк Мењан, денеска потпиша со калчолигашот Милан како замена за младиот Џиџи Донарума кој го напушта клубот.
Откако синоќа стана јасно дека Џанлуиџи Донарума нема да потпише нов договор со „Росонерите“, управата на клубот не чекаше многу и веднаш си најде нова единица.
Роден во Кајен, Француска Гвајана, од татко Французин и мајка Хаиќанка, Мењан, кој во јули ќе полни 26 години, на „Меаца“ доаѓа после одличната сезона во Лил.
Кариерата како дете ја почна во непознатиот мал клуб Вијер ле Бел, а од 14-годишна возраст е во младинските категории на ПСЖ за кој настапуваше и за вториот тим, но никогаш не заигра за првиот. Во 2015 се сели во Лил каде досега одигра 180 натпревари, а сезонава ја освои својата прва титула и тоа како шампион на Лиг 1, оставајќи го зад себе богатиот ПСЖ.
Лани го имаше и својот дебитантски настап за репрезентацијата на Франција, а одличната форма му обезбеди и место меѓу тројцата голмани на списокот на Дидје Дешан за претстојното ЕУРО.
Мењан за Милан потпиша договор до летото 2026 година и ќе го носи дресот со број 16. Единицата во Милан ја имат вториот голман, Романецот Чиприан Татарушану.
