Селекторот на македонската фудбалска репрезентација го објави списокот на повикани играчи за претстојниот квалификациски натпревар за пласман на ЕУРО 2024 против Украина на гости, како и пријателската со Ерменија во Струмица.
По успешниот септемвриски прозорец Македонија сега ја чека одлучувачки натпревар против Украина, репрезентацијата која во јуни со голем пресврт ги однесе бодовите среде Скопје (од 2:0 направија 2:3). Резултатот од реваншот со Украинците ќе одреди дали Македонија ќе остане во игра за второто место во групата, или ќе ги загуби шансите за пласман на втор по ред континентален собир.
Селекторот Благоја Милевски по тој повод повика 25 играчи, меѓу кои бекот повратник Тодор Тодороски. Изненадувачки, на списокот ги нема напаѓачите Илија Несторовски и Дориан Бабунски, но го има Дарко Чурлинов кој Барнли воопшто не го пријави за играње во Премиер лигата и кој веќе 5 месеци се опоравува од болест.
Голмани:
Столе Димитриевски – Рајо Ваљекано (Шпанија)
Дамјан Шишковски – Докса (Кипар)
Игор Алексовски – Работнички
Одбрана:
Висар Муслиу – Падерборн (Германија)
Тодор Тодороски – Залаегерсег (Унгарија)
Никола Серафимов – Фехервар (Унгарија)
Јован Манев – Осијек (Хрватска)
Езѓан Алиоски – Ал Ахли (Саудиска Арабија)
Бојан Димоски – Акрон (Русија)
Ахмед Иљазовски – Хвидовре (Данска)
Стефан Ашковски – Раднички (Србија)
Средина:
Енис Барди – Трабзонспор (Турција)
Елиф Елмас – Наполи (Италија)
Аријан Адеми – Динамо (Хрватска)
Јани Атанасов – Краковија (Полска)
Агон Елези – Вараждин (Хрватска)
Давид Бабунски – Мезековешд (Унгарија)
Исник Алими – Шепши (Романија)
Напад:
Бојан Миовски – Абердин (Шкотска)
Милан Ристовски – Спартак (Словачка)
Дарко Чурлинов – Барнли (Англија)
Ваљон Етеми – Истанбулспор (Турција)
Љупчо Дориев – Согдиана (Узбекистан)
Александар Трајковски – Хајдук (Хрватска)
Димитар Митровски – Вараждин (Хрватска)
Собирот на репрезентацијата е на 9-ти овој месец во хотелот „Хилтон“ во Скопје. Ќе се тренира во Скопје, а потоа репрезентацијата ќе замине за Прага, главниот град на Чешка, каде на 14-ти (сабота) од 15 часот ќе играме против Украина. Потоа на 17-ти (вторник) на стадионот „Благој Истатов“ во Струмица репрезентацијата ќе одигра пријателска против Ерменија. И овој натпревар ќе биде со почеток во 15 часот.
