Американската фармацевтска компанија Moderna соопшти дека во САД почна втората фаза од тестирање вакцина, што ја вклучува нивната против COVID-19, но и потенцијална за заштита од варијантата омикрон.
Новата двовалентна вакцина веќе ја прими едно лице, а се очекува да се вклучат околу 375 лица на 20 тестирачки места во САД, информираше Moderna.
Извршниот директор Стефан Бансел тврди дека нивната платформа, базирана на технологијата mRNA, овозможува брзина и флексибилност во развивање вакцина, прилагодена на новите варијанти на вирусот.
Од Moderna очекуваат вакцината да биде достапна веќе идната сезона за вакцинирање.
Вакцината е наменета за лица постари од 18 години, кои се примарно вакцинирани и примиле бустер доза пред повеќе од три месеци.
