Безбедносните камери го фатија моментот кога гром удри во работник во Индонезија. За среќа, 35-годишниот маж преживеа и се наоѓа на домашно лекување.
На видеоснимката објавена на Twitter се гледа како маж во Џакарта се движи со чадор во раката, а во еден момент во него удира гром. Од силината на ударот човекот падна на земјата, а потоа се обиде да застане на нозе, но безуспешно.
На помош дојдоа неговите колеги. Се сомнева дека ударот е предизвикан од користењето воки-токи по дожд.
Човекот бил хоспитализиран по несреќата, а сега се наоѓа на домашно лекување.