Синот на Стив Ирвин, славниот ловец на крокодили, едвај се спаси откако крокодил наместо кон храната, тргна кон него. Младиот Роберт Ирвин објави снимка на социјалните мрежи од средбата со крокодилот.
Осумнаесетгодишниот наследник на Стив Ирвин беше принуден да избега откако огромниот крокодил Каспер се упати кон него.
Стив Ирвин, кој почина во 2006 година, беше познат во светот по неговиот специфичен начин со кој се справуваше со животните во дивина, особено со крокодилите. Токму затоа и беше познат како ловец на крокодили.
Осумнаесетгодишниот Роберт Ирвин веќе со години оди по стапките на татко му, во негова чест се појавува во емисии и работи со животни.
Снимката во која Роберт бега од крокодилот во австралиската зоолошка градина е дел од последната епизода на „Crikey! It's The Irwins“.