Фитнес тренерот Џејмс Сванвик од Австралија успеал да ја достигне посакуваната телесна тежина за само 30 дена со едноставно менување на исхраната.
Како што објаснил, не се држел до строги диети и не вежбал повеќе од вообичаено, туку исклучил само една работа од секојдневното консумирање - алкохолот.
Како што откри во објава на својот Instagram профил, од 2010 година не пие алкохолни пијалоци. Вели и дека спие многу подобро и поквалитетно бидејќи веќе не ги консумира, но и нема пивски стомак. Свонвик откри како се започнало со облог дека нема да пие алкохол барем еден месец.
„Првите две недели ми беа навистина многу тешки. Кога излегував со пријателите и нарачував вода, ме исмејуваа. ‘Не си Австралиец’, знаеја да ми кажат", вели тој.
Сепак, колку и да му било тешко, не се откажувал.
„После 30 дена изгубив шест килограми, главно сало околу стомакот, а тоа е само затоа што престанав да пијам алкохол. Плус, имав повеќе пари затоа што не ги трошев на алкохол, кожата ми изгледаше подобро и уживав наутро да станам од кревет за да вежбам“, додава Сванвик, кој ослабел дополнителни 11,3 килограми по една година откако престанал да пие алкохол.