Вечерва почнува 13-тото издание на женското Европско првенство во фудбал чии натпревари националниот сервис ќе ги пренесува во живо.
Европското првенство во женски фудбал се одржува од 6 до 31 јули на 10 стадиони во 8 града низ Англија. Македонската радио-телевизија ги обезбеди правата за директни преноси од натпреварите, па љубителите на фудбалот во текот на целиов месец ќе имаат што да гледаат со коментар на македонски јазик, но и на албански на МРТ-2 каналот.
Преносите почнуваат со вечерашното отворање помеѓу домаќинот Англија и Австрија од 20:50 часот на „Олд Трафорд“ во Манчестер. Сите преноси ќе одат на спортскиот канал на МРТ, односно МРТ-3.
Распоред за преноси до крајот на неделава:
Четврток, 7 јули
20:50 Норвешка - Северна Ирска (Саутемптон)
Петок, 8 јули
17:50 Шпанија - Финска (Милтон Кинс)
20:50 Германија - Данска (Лондон)
Сабота, 9 јули
17:50 Португалија - Швајцарија (Ли)
20:50 Холандија - Шведска (Шефилд)
Недела 10 јули
17:50 Белгија - Исланд (Манчестер)
20:50 Франција - Италија (Ротерам)
Финалеѕо ќе се игра на 31 јули од 19 часот на реномираниот „Вембли“ во Лондон.
Бранител на тронот е Холандија, додека најтрофејна со 8 титули е Германија.