Португалскиот стратег по синоќешната огромна победа од 7:0 на неговата Рома против Емполи беше задоволен од она што го виде, а беше особено среќен за првиот гол на новото засилување Ромелу Лукаку.
И на победа од 7:0 не најде начин да се насмее и да остане смирен, пишува La Gazzetta dello Sport.
„Сите одиграа добро, дури и да не завршеше 7:0. Жал ми е за Емполи, но овие работи се случуваат. Игравме за да победиме мирно, играјќи добар натпревар дури и со подеми и падови од физичка гледна точка. Сè уште има по некој што не е во состојба да одигра 90 минути со висок интензитет“, вели Португалецот.
Голот на Лукаку, прв во дресот на Рома, е главна вест на Чизмата покрај високата победа. Прв за него во вториот настѕап за Рома, нои ова му беше прв натпревар како стартер со оглед на тоа што пред репрезентативната пауза влезе од клупата против Милан и одигра 17 минути.
„За мене немаше да биде проблем доколку не дадеше гол. За него излезе супер што погоди и си замина среќен, но откако дојде тука мислеше само на тимот. Допрва треба да научиме да играме со него, а тој со нас, ни треба време за да се подобриме. Среќен е што е тука, сака да победува и мислам дека Интер нема причина да биде лут со оглед на тоа што го доби дербито со 5:1. Треба да бидат среќни за нивниот поранешен тренер на кој му требаше Лукаку“, на шега вели Мурињо.
Беше прашан и за Леандро Паредес, кој летово дојде од ПСЖ и настапи на сите 4 натпревари во Серија А сезонава, но ниту еднаш не одигра 90 минути.
„Паредес? Тој исто така мора да го подобри својот интензитет и да вложи минути, тој е извонреден со топката, но мора да ги разбере нашите дефанзивни движења. Сега следната цел е да победиме во четврток. Актуелниот тим? Мора да управуваме со нашите сили, но има натпревари на кои ќе биде тешко. Дефинитивно ќе направиме некои промени“, заклучи тренерот на „Волчицата“.
Рома го понижи Емполи со 7:0 со головите на Пауло Дибала од пенал во 2. минута и потоа во 55-тата, Ренату Саншеш погоди во 8. минута, во 35-тата Алберто Граси си постигна автогол, Брајан Кристанте и Лукаку во 80-тата и 82. минута набрзина постигнаа два гола, а точка стави Џанлука Манчини во 86. минута.
Ова беше прва победа за Рома сезонава откако претходно запиша реми и два пораза. Со само 4 бода е во втората половина од табелата - на 12. место. Емполи, пак, е закован на дното без бодови и без постигнат гол.
