Новата сезона во регионалната АБА лига почнува денес со натпреварите од воведното коло во кое актуелниот македонски шампион МЗТ Скопје Аеродром по подолга пауза се враќа во натпреварување со гостување кај бранителот на титулата Црвена звезда.
Пред стартот на новата сезона МЗТ ги засили своите редови со неколку нови имиња и влегува во АБА лигата со амбиција да избори опстанок.
Регионалното натпреварување вечерва ќе го отворат Задар и Студентски Центар, додека преостанатите шест натпревари од првото коло ќе се одиграат од сабота до понеделник.
МЗТ ќе гостува ѝ на Црвена звезда утре од 20 часот во салата „Александар Николиќ“, а другите двојки се: Игокеа - Морнар, Цибона - Партизан, Будучност - Сплит, Олимпија Цедевита - Борац и ФМП - Мега Баскет.