Викендов ќе биде продадена неверојатна колекција од 18 суперавтомобили со вкупна вредност од над 45 милиони долари.
Аукцијата ќе ја спроведе RM Sotheby's, а колекцијата започнала пред 25 години кога еден колекционер купил Ferrari F40. Во моментот на купувањето, F40 имал само еден сопственик, а како што се зголемувала колекцијата, сопственикот барал некои од најдобрите автомобили со високи перформанси на планетата.
Линијата на Ferrari ја продолжиле гигантите 288 GTO, F50, Enzo и LaFerrari, а секој од нив, вклучувајќи го и F40, биле обоени во црвено Rosso Corsa. Ним им се придружиле кабриолетовите 550 Barchetta Pininfarina, Superamerica и 599 SA Aperta, кои биле обоени во жолта Giallo боја.
Сопственикот исто така е љубител и на Bugatti, а на аукцијата ќе ги продаде сините EB 110 GT, белиот EB 110 Super Sport и новиот Chiron Super Sport 300+. На аукција излегуваат и две Lamborghini, Miura и Countach LP 5000 S.
Дел од колекцијата се два Jaguar, реткиот XJR-15, еден од само 50-те постоечки примероци и првиот сериски автомобил кој користи карбонски монокок, како и портокаловиот XJ 220 S, кој воедно е единствениот примерок во оваа боја. Има поминато само 4.822 километри, а се очекува да биде продаден помеѓу 954.000 и 1,23 милиони долари.
Колекцијата ја заокружуваат трите многу посакувани рели автомобили од групата B, имено Lancia 037, Audi Sport Quattro S1 E2 и Lancia Delta S4. Delta S4, кој се смета за највреден, е особено баран и може да се продаде за 2,52 милиони долари.
