Холандскиот возач Макс Верстапен ја продолжи доминацијата во Формула 1 шампионатот и утринава во квалификациите за трката во Австралија.
На патеката „Алберт Парк“, Верстапен беше најбрз во борбата за најдоброто место на стартот на утрешната трка, а на крајот ја освои пол-позицијата со време 1:15.915.
Верстапен го остави зад себе Карлос Саинс во Ферари, кој постигна време од 1:16:185, додека третото место го зазеде тимскиот колега на Верстапен, Серхио Перес (1:16.274).
Во топ 10 следат и Ландо Норис, Шарл Леклер, Оскар Пјастри, Џорџ Расел, Јуки Цунода, Ленс Строл и Фернандо Алонсо, а целокупниот редослед за стартот на утрешната трка можете да го погледнете во продолжение:
Потсетуваме, Верстапен победи на првите две трки сезонава во Бахреин и Саудиска Арабија, па моментално води во поредокот кај возачите во Формула 1 шампионатот со 51 бод, пред Серхио Перез на второто место со 36 бодови.
Големата награда на Австралија е закажана за недела наутро од 6:00 часот со директен пренос на Sport Klub 1.
