Незамислива е трпезата за големиот празник Св. Никола без тавче-гравче, без разлика дали станува збор за слава или за именден.
Ова е најдобриот рецепт за светиниколско тавче-гравче. Буквално на сите им успева, а вкусот е одличен.
Свети Никола е еден од најголемите православни празнци на Балканот. Трпезата мора да биде посна, бидејќи празникот се паѓа за време на божикниот пост. Покрај рибата подготвена на различни начини, еден од незаменливите прилози е тавче-гравче.
Ви го пренесуваме најдобриот рецепт за тавче-гравче, кој им успева и на почетниците во кујната.
Потребни состојки:
- 1 кг бел грав
- 2 праза
- 2 чешниња лук
- 2 кромида
- 2 моркова
- 3 листа ловор
- 2 лажици пипер
- маст
- сол
- бибер
Подготовка:
Потопете го гравот во вода преку ноќ, а потоа процедете го и прелијте го со нова вода. Сварете и процедете, но чувајте малку од водата во која сте го вареле гравот. Во тава со малку маснотии пропржете ги сечканиот праз и кромидот, па додадете го изренданиот морков. Пржете додека зеленчукот не омекне, а потоа добро зачинете со сол, бибер и посипете со пипер. Ако сакате зачинет вкус, додадете ситно сечкана лута пиперка. Добро измешајте, па додадете го гравот. Повторно промешајте и оставете на шпорет уште неколку минути. а потоа измешајте го толчениот лук. Измешајте и истурете го гравот во подмачкана тава. Ставете ги ловоровите листови и прелијте со неколку лажици од водата во која се варил гравот. Печете во загреана рерна на 180°C околу 30 минути.