Поделувајќи ја својата листа во пет категории, Lonely Planet ги објави 50-те најдобри дестинации за патување во 2024 година. На сеа се наоѓа и Западен Балкан, а еве зошто.
Британскиот издавач Lonely Planet, специјализиран за патувања и туризам, оваа година полни 50 години, а неговата листа „Best in Travel 2024“ е проширена во пет категории: најдобри земји, региони, градови, одржливи туристички дестинации и локации со најдобра вредност.
На прво место се најде Монголија, избрана од Lonely Planet поради нејзините „огромни отворени простори, авантуристички активности и богатата кулинарска и музичка култура“. Ова е најретко населената земја во светот и монголската влада е подготвена да почне да го менува тоа. Годинава периодот до 2025 година го прогласија за „година за посета на Монголија“ и ги олеснија условите за влез на меѓународните патници и подобрена инфраструктура, вклучително и нов аеродром вреден 650 милиони долари.
Други земји што се најдоа меѓу првите 10 вклучуваат популарни дестинации како Мексико, Хрватска и Света Луција, но и помалку посетени места како Бенин и Узбекистан, пишува CNN.
Кога станува збор за регионите, Lonely Planet ја рангираше на прво место велосипедската рута Transdinaric на Западен Балкан, која се отвора следната година и е долга 3.364 километри. Минува низ Словенија, Хрватска, Босна и Херцеговина, Црна Гора, Албанија, Македонија, Косово и Србија, минувајќи низ планинските масиви и долж брегот на Јадранското Море.
Најдобрите земји за посета според Lonely Panel:
- Монголија
- Индија
- Мароко
- Чиле
- Бенин
- Мексико
- Узбекистан
- Пакистан
- Хрватска
- Света Луција
Најдобри региони за посета:
- Трансдинарна велосипедска рута Западен Балкан
- Остров Кенгур, Австралија
- Донегал, Ирска
- Баскија, Шпанија
- Јужен Тајланд
- Брегот на Свахили, Танзанија
- Монтана, САД
- Салфелден Леоганг, Австрија
Најдобри градови за посета:
- Најроби, Кенија
- Париз, Франција
- Монтреал, Квебек, Канада
- Мостар, Босна и Херцеговина
- Филаделфија, Пенсилванија, САД
- Манаус, Бразил
- Џакарта, Индонезија
- Прага, Чешка
- Измир, Турција
- Канзас Сити, Мисури, САД
Најдобри одржливи дестинации:
- Шпанија
- Патагонија, Аргентина и Чиле
- Гренланд
- Велс
- Камино Португеш де Сантјагу, Португалија
- Палау
- Хокаидо, Јапонија
- Еквадор
- Балтичка рута - Естонија, Латвија
- Еко-сместување во Јужна Африка
Дестинации со најдобра вредност (однос цена-понуда):
- Среден Запад, САД
- Полска
- Никарагва
- Дунавски лимес, Бугарија
- Нормандија, Франција
- Египет
- Икарија, Грција
- Алжир
- Отаго, Нов Зеланд
- Ноќни возови, Европа
