Останати спортови

Најголемиот антиталент на ЗОИ: Американка го победи системот, но ги налути фановите

20. февруари 2018 - 16:21 | А.С.

Американката со унгарски пасош Елизабет Свејни ја има најбизарната приказна на Зимските Олимписки игри во Пјонгчанг.

Скијачката која учествуваше во дисциплината фристајл скијање за тимот на Унгарија, заврши на последното место и во натпреварувањето не изведе ниту еден трик.

За да ја исполни нормата за ЗОИ, Свони мораше да има одреден број натпреварувања зад себе на кои завршила во првите 30 на Светскиот куп.

Таа успеала да заврши меѓу првите 30 на 13 натпревари во фристајл скијање, но намерно бирала помали настани на кои учествувале помалку од 30 натпреварувачки.

 

 

Тоа било доволно за да го оствари нејзиниот сон – да учествува на Олимписките игри.

За да се одржи воопшто натпреварувањето во фристајл скијање, организаторите очегледно морале да поканат и аматери бидејќи им недостигале натпреварувачки.

Свејни така го победи системот и стана хит на социјалните мрежи со нејзиниот антиталент, но исто така и ги налути фановите на овој спорт и љубителите на спортот воопшто кои сметаат дека ова е еднакво на потсмевање со спортистите кои се трудат да стигнат до Олимпијадата.

Други револтирано коментираат дека „очигледно за да учествуваш на Олимпијада треба да имаш пари две години да се провлекуваш на натпревари со помалку од 30 учесници.“

Свејни има диплома од Харвард, почнала да се занимава со скијање на 25 години и еднаш се кандидирала за гувернер на Калифорнија.

Коментирај