На интернет се шири урнебесно видео од златен ретривер кој ја доби титулата „најлошо куче чувар во историјата“.
Имено, во Сан Диего непознат маж влегол во гаража на семеен дом за да украде велосипед вреден 1.300 долари.
Меѓутоа, тогаш се појавил златен ретривер кој наместо да го спречи крадецот, решил да си игра со него, а се е снимено од надзорните камери.
Имено, крадецот бил на излез од гаражата со украдениот велосипед, а потоа до него дошло разиграно куче кое ниеднаш не залаја, само радосно мавташе со опашот.
Неговото однесување за момент го спречи крадецот да краде, па тој фати да го гали по главата и стомакот.
„Ти си најкул куче што сум го видел“, се слуша на видеото како крадецот му вели на кучето.
Сепак, крадецот не се откажал од кражбата, а полицијата од Сан Диего го сподели ова видео и ги повикала граѓаните да ги известат дали го виделе човекот од видеото или имаат информации за украдениот велосипед.
