Од 12 до 18 мај од шест инспекциски служби извршени се 2.895 вонредни инспекциски надзори во врска со одлуките на Владата од кои произлегуваат сите мерки и препораки за спречување на ширење на коронавирусот.
Ова денеска го соопшти на прес-конференција Магдалена Филиповска Грашкоска, претседателка на Инспекциски совет.
Инспекторите од Државниот пазарен инспекторат (ДПИ) имаат реализирано најмногу вонредни инепскциски надзори и тоа 1.566, што е разбирливо ако се земе предвид дека во овој период нивните надлежности се најобемни и исто така бројот на објекти кои ги контролираат е прилично голем.
ДПИ во овој период затвори вкупно 14 угостителски објекти, од кои 12 се во Тетово, еден во Охрид и еден во Струмица, за кој е поднесена и кривична пријава. Исто така кривична пријава е поднесена и за хостел во Скопје, информираше Филиповска Грашкоска.
Дополнително се утврдени уште 5 прекршоци, од кои еден е за непочитување на Уредба од страна на банка, а останатите се за неносење на лична опрема и непочитување на замрзнатите цени.
Прес-конференцијата е во тек.