Според последните извештаи, LOTR: Rings Of Power имаше релативно мала гледаност во САД, но од Amazon Studios веруваат дека иднината на серијата ветува.
The Hollywood Reporter откри податоци дека само 37 отсто од гледачите во САД ја изгледале серијата до крај. Од стриминг платформата сметаат дека стапката на завршување од 50 проценти е добра, но не одлична, а надвор од САД, Rings of Power ја догледуваат околу 45 проценти од гледачите.
Шефицата на Amazon Studios, Џенифер Салке, не се согласува со тврдењето дека ова е неуспех за Rings of Power.
„Оваа желба да се прикаже серијата како нешто помалку од успешна – не е одраз на каков било разговор што го водиме интерно“, рече таа.
Втората сезона се снима „на големо“
Втората сезона ќе има „драматични пресврти“, според извештајот, при што Џенифер Салке вели дека тоа е „огромна можност“, додавајќи дека првата сезона „бараше многу дотерување“ за настаните да дојдат. Навистина, првата сезона не го откри Саурон до последната епизода, а кога главниот негативец ќе биде воведен во наративот, работите почнуваат да се вжештуваат во приказната.
Се очекува серијата да има пет сезони. Дејството ќе се одвива илјадници години пред настаните во The Hobbit и The Lord of the Rings. Според BBC, ова е најскапата серија во историјата на телевизијата. За секоја епизода на серијата се потрошени 43 милиони фунти.
