Синоќешниот настан на Google не траеше ни 30 минути, но беше богат со информации.
На настанот што со нетрпение се очекуваше во технлошкиот свет имаше бројни новитети: компанијата ги претстави Pixel 5, Pixel 4A 5G, новиот Chromecast со Google TV интерфејс и звучникот Nest Audio.
Google Pixel 5 - новиот флегшип ќе има FHD+ екран од 6 инчи со фреквенција на освежување од 90 Hz. Ќе го придвижува Snapdragon 765G процесор со 8GB RAM меморија и 128 GB внатрешна меморија и батерија од 4.080 mAh кој поддржува безжично полнење. За првпат ќе видиме и ултраширока задна камера на некој Google Pixel уред. Селфи камерата ќе биде сместена во горниот лев агол и најверојатно ќе има 8 MP.
Google Pixel 4a 5G - овој модел ќе биде малку поевтин отколку Pixel 5, но ќе има слични карактеристики. Ќе има Snapdragon 765 процесор кој поддржува 5G мрежа, 6 GB RAM и 128 GB меморија. Батеријата ќе има 3.800 mAh. Екранот е од 6,2 инчи со фреквенција на освежување од 60 Hz.
Дечките од The Verge го спакуваа настанот во само шест минути.