Во Квебек, Канада, има „шума што дише“, а снимката од овој необичен феномен ги збуни корисниците на социјалните мрежи.
Неверојатната сцена се случи во шума во Сакре-Кoр пред неколку години и привлече меѓународно внимание откако Жан Артур ја испрати снимката до The Weather Network.
Многу корисници на Facebook i Twitter изразија непријатност или рекоа дека се шокирани од видеото. Сепак, иако изгледа малку страшно, нема ништо необично во ова, според експерт кој zа National Post дал едноставно метеоролошко објаснување.
„Мора да постојат неколку услови за да изгледа дека шумата дише. Првиот е ветерот да дува со околу 100 км/ч или посилно. Додека ветрот ги движи дрвјата, тоа предизвикува корените под земја да почнат да се движат. Ако корените се под мал слој почва и мов, како што е случајот во Сакре-Кoр, наместо карпест или планински терен, ќе изгледа како шумата да дише“, вели Марк Сироа, метеоролог аматер од Монтреал.
Овој интересен природен феномен при силни ветрови привлекува голем број љубители на природата и авантуристи во споменатата шума.