Ако натпреварот меѓу Вест Хем и Евертон заврши нерешено, можно е да се испишат нови страници на историјата на Премиер лигата.
Двата тима играат во катастрофална форма и покрај реномето и популарноста меѓу навивачите, па Евертон и Вест Хем би можеле да водат жестока борба за опстанок во друштво на најдобрите.
Тренерите Дејвид Мојс и Френк Лампард се под голем притисок. Како што пренесуваат англиските медиуми, Мојс и Лампард добиле ултиматум во следното коло и мора да победат, во спротивно ќе добијат отказ.
Тоа значи дека еден од двајцата тренери ќе биде сменет во следното коло кога викендов ќе се сретнат култните клубови од Лондон и Ливерпул. Но, што ако натпреварот заврши нерешено?
Според најавите на англиските медиуми, двајцата тренери ќе добијат отказ поради поставениот ултиматум од раководствата на клубовите.
Тоа би било првпат во историјата на елитниот англиски фудбал и двајцата тренери да добијат отказ по еден ист натпревар.
Поради сето ова, имаше интересна преписка на социјалните мрежи, а еден навивач предложи тренерите само да ги сменат позициите, односно секој да отиде на клупата на ривалскиот тим.