„All Quiet on the Western“, или во превод „Сè тивко на Западниот фронт“, ја раскажува застрашувачката приказна за еден млад германски војник на Западниот фронт од Првата светска војна. Пол и неговите другари од прва рака доживуваат како почетната еуфорија од војната се претвора во очај и страв додека се борат за своите животи, и едни со други, во рововите.
Филмот на режисерот Едвард Бергер е базиран на истоимениот светски бестселер на германскиот писател Ерих Мариа Ремарк, писател починат во 1970 година. Оригиналниот наслов на романот е „Im Westen nichts Neues“, издаден во далечната 1929 година. Книгата прво во делови излегувала во весникот Vossische Zeitung во ноември и декември 1928. Уште во првите 18 месеци по објавувањето се продала во 2,5 милиони копии, на 22 различни јазици. Ова е трет филм сниман според оваа книга, по оние во 1930 и 1979 година.
Филмот веќе имаше премиера и тоа на Меѓународниот филмски фестивал во Торонто кон средината на септември, а на платформата на Netflix ќе биде достапен од 28 месецов.
Улогите ги толкуваат Даниел Брил, Албрехт Шух, Феликс Камерер, Мориц Клаус, Арон Хилмер, Един Хасановиќ, Девид Штризов и Зебастиан Хилк.