Стеф Кари е човекот за кого пишуваат американските медиуми откако ноќеска имаше неверојатен настап предводејќи го својот Голден Стејт Вориорс до победа над Портланд Треил Блејзерс.
Уште од самиот почеток на натпреварот се виде дека Кари има жешка рака. Само до полувреме уфрли 31 поен, а по паузата продолжи во истиот стил и на крајот заврши со 62 поена на своето конто. Реализираше 18 шутеви од вкупно 31, 8 тројки од 16 обиди, а на паркетот мина 36 минути и 28 секунди. Ова е негова најдобра партија во кариерата.
Актуелниот шампион е буден. Лејкерс врзаа три победи во низа откако ноќеска на гостувањето во Мемфис триумфираа над Гризлис. Кој друг ако не Леброн Џејмс беше предводник на Лејкерс со 22 поена, 13 скокови и 8 асистенции во победата од 14 разлика над Мемфис за кој Кајл Андерсон запиша 18 поени.
Резултати:
Детроит Пистонс - Бостон Селтикс 120:122
Бруклин Нетс - Вашингтон Визардс 122:123
Мемфис Гризлис - Лос Анџелес Лејкерс 94:108
Минесота Тимбервулфс - Денвер Нагетс 109:124
Сан Антонио Спарс - Јута Џез 109:130
Чикаго Булс - Далас Маверикс 118:108
Феникс Санс - Лос Анџелес Клиперс 107:112
Голден Стејт Вориорс - Портланд Треил Блејзерс 137:122
