Одамна е познато дека трудниците треба да земаат фолна киселина за да ги заштитат бебињата од вродени дефекти. Според новите наоди, се чини дека овој витамин помага да се намали ризикот од деменција, а ниските нивоа се исто така поврзани со прерана смрт.
Ново истражување од САД и Израел покажа дека недостатокот на фолати (исто така познат како витамин Б9, додека неговата синтетичка форма е фолна киселина) е поврзан со значително зголемен ризик од деменција и смрт - луѓето со дефицит на фолати имале 1,68 пати зголемен ризик деменција и 2,98 пати поголем ризик од смрт.
Фолната киселина има голем број важни задачи во телото
Минатите студии покажаа дека витаминот, кој помага во создавањето на црвените крвни зрнца, им овозможува на нервите да функционираат правилно и е суштински за производство на ДНК, може да помогне во заштитата од срцеви заболувања и мозочен удар. Британската диететска асоцијација (BDA) објаснува дека додатоците на фолна киселина може да го намалат високото ниво на хомоцистеин, аминокиселина која ги иритира крвните садови, што е поврзано со зголемен ризик од срцев или мозочен удар.
„Фолатите обично се поврзуваат со бременоста, но всушност се од суштинско значење за доживотно здравје“, вели диететичарот д-р Кери Ракстон од Информативната служба за здравствени и нутриционистички додатоци.
BDA вели дека повеќето луѓе (освен бремените жени или оние кои се обидуваат да забременат) треба да внесуваат доволно фолати во нивната исхрана со јадење многу зеленчук, овошје, грав и цели зрна, кои се природно богати со фолати и исто така можат да заштитат од рак на дебелото црево и срцеви заболувања.
Фолната киселина може да се најде и во зелен лиснат зеленчук, како што се спанаќ, кељ, прокељ, зелка и брокула, грав и мешунки, екстракт од квасец и говедско месо, портокали и сок од портокал, пченични трици и друга храна од цели зрна, живина, свинско месо, школки и црн дроб.
