Астрономите забележаа нешто што би можело да биде планета на која е можно да има живот и таа кружи околу една од ѕвездите најблиску до нашиот Сончев Систем.
Научниците забележале знаци на „светлина што ветува“ во близина на бинарниот пар ѕвезди Alpha Centauri A, кои кружат една околу друга долку блиску, што кога ги гледаме со голо око се чинат како една ѕвезда во созвездието Centaurus.
Бинарниот ѕвезден систем Alpha Centauri е оддалечен 4,37 светлосни години и може да содржи планета на која е можен живот. Сепак, поради фактот дека штотуку е откриена, научниците ја нарекуваат „планета кандидат“, бидејќи би можело да се утврди дека станува збор само за ѕвездена прашина, астероид или дури проблем со телескопската опрема.
Меѓународен тим научници го проучуваат откритието како дел од експериментот New Earths in the Alpha Centauri Region, финансиран од проектот Breaktrough Watch, чија цел е да открие и анализира карпести планети со големина на Земјата.
Научниците користат телескоп VLT управуван од Серо Паранал во чилеанската пустина Атакама.