Новата серија на Netflix „The Sandman“ чинеше неверојатни 165 милиони долари, а критичарите ја сметаат за вистинско ремек дело.
Во „The Sandman“ се појавуваат Том Стариџ како Сонот, Гвендолин Кристи како Луцифер, Кирби Хауел-Баптист како Смртта, Џена Колман како Јохана Константин, а Марк Хамил е гласот на Мерв Пампкинхед.
Во својата рецензија, критичарката на IGN, Амелија Ембервинг напиша дека, освен една мала замерка, серијата е вистинско ремек дело.
„Работата на адаптацијата е да го почитува изворниот материјал додека ги воведува новите фанови со нешто што, се надевамe, ќе им се допадне, и не знам колку е добредојдена серијата за новите гледачи кога станува збор за тоа колку брзо прескокнува од една во друга приказна. Во таа, многу специфична смисла, серијата можеби нема да си ја заврши работата, што ме спречува да ѝ дадам 10/10 и покрај фактот што, настрана од тој многу мала замерка, The Sandman е ремек дело“, истакна таа.
Критичарот Ричард Њуби од списанието Empire се надева дека серијата ќе има повеќе сезони, бидејќи смета дека тоа го заслужува.
„Со своето внимание кон изворниот материјал, импресивната актерска екипа и видот на експанзивна градба на светот што сигурно бара повеќе сезони, The Sandman е она од кое се направени соништата“, истакна тој.
Иако критичарите не се согласуваат за степенот до кој серијата е успешна адаптација на изворниот материјал, тие се согласуваат дека вреди да се гледа.
„За неколку минути ќе извикате ‘Изложете ја во Лувр’, за да ве дочека нешто уште поубаво и не ви зарипне гласот до втората епизода не. Но сепак ќе сакате да продолжите да гледате затоа што The Sandman има лукава вештина за завршување на секоја епизода со нешто што ќе ве привлече повеќе, дури и ако некои од тие претходни делови оставаат впечаток дека се посамостојни“, рече Дејвид Опи, критичар за Digital Spy.
