Моника Белучи за неколку секунди докажа зошто е меѓу најубавите, најхаризматичните, најелегантните, најсексапилните и најженствените жени во светот.
Актерката уште еднаш нè увери дека ќе биде тешко некој друг да го заземе нејзиното место, бидејќи и на 60 години успева да нè остави без здив и да маѓепса со својата природна убавина и грациозност.
Италијанската филмска дива привлече внимание на неодамна завршената Модна недела во Париз, а беше и меѓу гостите на свеченоста Diner De La Mode со која беше затворена престижната модна манифестација.
Нејзиното модно издание масовно се коментира на социјалните мрежи, а видеото кое познатата убавица го објави на својот профил на Instagram навистина остава без зборови.
Таа носеше црн елегантен фустан и чевли со вртоглави потпетици, а многумина беа воодушевени од нејзината фризура, дело на познатиот фризер Џон Нолет, со кој се појави во јавноста на овој настан, заедно со нејзиниот партнер Тим Бартон.
