Universal Pictures го објави првиот трејлер за „Jurassic World Dominion“ во кој можеме да ги видиме главните ликови од претходните два филма од оваа трилогија, како и Џеф Голдблум, Лора Дерн и Сем Нил, актери кои се појавија во филмот на Спилберг „Jurassic Park“ (1993), филмот со кој започна сè.
Дејствието во „Jurassic World Dominion“ се одвива четири години по настаните во „Jurassic World: Fallen Kingdom“ (2018), во кој диносауруси созадени со генетски инженеринг беа продадени на аукција на компании од целиот свет, додека други останаа да живеат и да ловат со луѓето на копното на САД.
Дали овој кревок мир меѓу двата вида ќе трае или само еден голем предатор ќе може да живее на Земјата, ќе можеме да дознаеме веќе на 10 јуни, кога во кината ширум светот пристигнува последното поглавје од трилогијата „Jurassic World“.
Покрај веќе споменатите актери, во овој блокбастер играат и ѕвездите од првите два дела од трилогијата, Крис Прат и Брајс Далас Хауард, како и новодојдените Мамаду Ати и Скот Хејс. Филмот го режираше Колин Тревору врз основа на сценариото кое тој го напиша заедно со Емили Кармајкл.
