Компанијата Henley & Partners објави листа на најмоќните пасоши за 2022 година.
![](/sites/default/files/styles/article_image_xxl/public/2021-03/%D0%95%D0%A3-%D0%BF%D0%B0%D1%81%D0%BE%D1%88%D0%B8.jpg?itok=wKY_kjDJ)
Според извештајот, Македонија е на 42 место и со македонскиот пасош може да се патува во 125 земји без виза.
Најмоќен пасош имаат Јапонија и Сингапур, без виза може да патуваат во 192 земји. Потоа на второто место се Германија и Јужна Кореја (190). На третото место се Финска, Италија, Луксембург и Шпанија (189).
Земјите од ЕУ доминираат на врвот на листата, Франција, Холандија и Шведска се искачија за едно место нагоре и се придружија на Австрија и Данска на четвртото место (188). Ирска и Португалија се на петтото место (187).
Шестото место го делат Белгија, Нов Зеланд, Норвешка, Швајцарија, Обединетото Кралство и САД (186). На седмо место се Австралија, Канада, Чешка, Грција и Малта (185).
На осмото место се Полска и Унгарија (183), а потоа следат Литванија и Словачка (182). На десеттото место се Естонија, Латвија и Словенија (181).
Земји со најлош пасош, кои можат да влезат во помалку од 40 земји во светот се: Северна Кореја (39), Непал (37), Сомалија (34), Јемен (33), Пакистан (31), Сирија (29), Ирак (28), Авганистан (26).
Што се однесува до регионот, Бугарија и Хрватска се на 17 место (173), Србија на 36 место (135), Црна Гора на 43 место (123), Босна и Херцеговина на 47 место (117), Албанија на 49 место (114), Косово на 103 место.