Од 12 монархии во Европа, Обединето Кралство е единствено што одржува церемонија на крунисување

Милиони луѓе во светот го гледаа крунисувањето на Чарлс III, новиот британски крал, и неговата сопруга Камила.

Последен пат британски монарх беше крунисан во 1953 година. Тоа беше Елизабета II, најдолговечната британска кралица, која беше на тронот повеќе од 70 години.

70 години по крунисувањето на Елизабета II, која седна на тронот на 25-годишна возраст, Британците го крунисаа Чарлс III, кој годинава ќе го прослави својот 75-ти роденден. Неговото крунисување, иако медиумски покриено, е далеку поскромно од тоа на Елизабета II.

Крунисување на Елизабета II траеше цели три часа, а во Вестминстерската опатија се собраа 8.000 луѓе. Повеќето од нив беа членови на британското благородништво - војводи, грофови, маркизи, виконти и барони.

Обединето Кралство на Велика Британија и Северна Ирска е последната европска монархија во историјата што ја задржа церемонијата на крунисување. Во другите монархии нема ваква церемонија, туку преносот на круната се одвива на симболично ниво. На пример, кралот на Шпанија се заколнува на верност на круната додека круната стои на олтарот за време на црковна служба. Некои монархии, како што се Холандија и Белгија, никогаш немале церемонија на крунисување.

Вкупно 12 монархии преживеаја во Европа, но само Британците го задржаа крунисувањето. Покрај тоа, церемонијата на крунисување британски монарх е настан што се следи на глобално ниво. Другите земји, кои сè уште имаат монархии, практикуваат свои церемонии.

На континентот има 12 суверени монархии, од кои 10 се наследни, а две, Ватикан и Андора, изборни.

Обединето Кралство, Луксембург, Данска, Норвешка, Линхтенштајн, Шведска, Ватикан (дом на Светата столица, владата на Католичката црква), Шпанија, Андора, Холандија, Белгија и Монако.

Крунисувањата, кои се одржуваат во Вестминстерската опатија од 1066 година, во голема мера се симболична формалност. Тие не го сигнализираат почетокот на владеењето на монархот.

Кога Елизабета II почина на 8 септември 2022 година на 96-годишна возраст, нејзиниот најстар син, принцот Чарлс, веднаш стана крал на Англија.

„Церемонијата, всушност, го прави видлив и легитимен фактот дека тој е крал“, вели Алис Хант, историчарка од Универзитетот во Саутемптон, Англија.

„Моментот кога претходниот владетел ќе почине и новиот ќе се качи на тронот е како нивна свршувачка со државата, а крунисувањето е свадба што ја зацврстува таа заедница“, вели Џорџ Грос, историчар на Кралскиот колеџ во Лондон и коосновач на British Coronations Project.

реклама

Три најдобри протеини за здравo срце

Read more

Неделен хороскоп од 15 до 21 јули според руски астролог

Read more

Кој е идеалниот крвен притисок кон кој треба да се стремиме?

Read more

Се огласи Меланија Трамп: Монструм!

Read more

Живот

Кејт Мидлтон се појави на Вимблдон и ја одушеви публиката

Read more

Неделен хороскоп од 15 до 21 јули според руски астролог

Read more

Благодарение на еден трик засадените домати ќе имаат повкусни и поголеми плодови

Read more

Уран и Марс носат проблеми: Астро прогноза до крајот на јули

Read more
 

Магазин

  • play_arrow
  • filter

Кејт Мидлтон се појави на Вимблдон и ја одушеви публиката

Читај повеќе

Неделен хороскоп од 15 до 21 јули според руски астролог

Читај повеќе

Каде во светот жените имаат најбујни гради?

Читај повеќе

Три најдобри протеини за здравo срце

Читај повеќе
  • play_arrow

Вежба со која ќе топите масти и кога спиете

Читај повеќе

Што ни се случува во телото ако цел ден сме под клима?

Читај повеќе
  • filter

Која Џорџа Мелони си денес?

Читај повеќе

Кои пијалаци го замастуваат црниот дроб?

Читај повеќе

Кој е идеалниот крвен притисок кон кој треба да се стремиме?

Читај повеќе