Небото над Токио беше осветлено од експлозија на огнена топка со сила од 165 тони експлозив.
Настанот е снимен минатата недела, кога над ноќното небо неколку секунди биле видливи зелени и виолетови нијанси пред да исчезнат. Најверојатно се работи за мал астероид кој влегол во нашата атмосфера, а бил регистриран ширум светот. Меѓународната организација за метеори соопшти дека објектот бил видлив од секој дел на јапонската регија Канто.
Научниците успеале да пресметаат дека изворот на енергијата на астероидот изнесувала околу 165 тони експлозив.
Се претпоставува дека ваков сличен настан, само во многу поголема димензија, ја предизвикал мистериозната експлозија на небото во Сибир во далечната 1908 година.
