Десет вреќи со 98 пакувања марихуана, во вкупна тежина од околу 100 килограми, се откриени во приватен објект на патот кон село Паликура во општина Росоман.
МВР соопшти дека по претходна пријава дрогата ја откриле Одделот за криминалистичка полиција – Сектор за недозволена трговија со дрога, оружје и опасни материи, во соработка со полициски службеници од Одделот за специјални полициски операции, СВР Велес и Регионален центар Југ.
„По насока на Јавен обвинител од Основното јавно обвинителство Кавадарци извршен е увид и се преземаат интензивни мерки и активности за обезбедување докази за инволвираност на лица кои го сториле кривичното дело предвидено и казниво по член 215 од Кривичниот законик, по што ќе бидат поднесени соодветни поднесоци“, информира МВР.
