Она кога Мурињо доаѓа да ти даде аплауз во твојата соблекувална

Жозе Мурињо синоќа на „Максимир“ покажа дека со причина го добил прекарот Специјалниот.

Совршениот хет-трик на Мислав Оршиќ му донесе чудесен пресврт на Динамо и победа од 3:0 во реваншот од осминафиналето на Лига Европа против Тотенхем за пласман во четвртфиналето.

Мурињо, како и поголемиот дел од фудбалскиот свет, разбирливо беа во шок.

Откако Динамо го победи неговиот Тотенхем, имаше нескротлива прослава во соблекувална на домаќинот.

Среде забавата на Динамо, еден од најголемите тренери во историјата тропна во нивната соблекувална, во нивниот дом, иако само што поднесе тежок пораз од нив.

Мурињо влезе во соблекувалната на Динамо и им аплаудираше на играчите, кои возвратија на ист начин.