Аргентинскиот уметник Рафа Фери стана мета на потсмев на социјалните мрежи откако ја откри бистата посветена на легендарниот Диего Армандо Марадона, а наместо пофалби, на крајот доби многу критики и потсмев бидејќи бистата навистина не наликува на легендарниот ас.
Работите да бидат уште полоши, Фери својот труд го претстави во присуство на претседателот на Аргентинската фудбалска асоцијација, Клаудио Фабиан Тапиа, во пресрет на натпреварот помеѓу младинските репрезентација на Аргентина и Валенсија.
Веројатно ни самиот Фери не можеше да очекува дека за неговото дело ќе зборуваат обожавателите ширум светот, но наместо пофалби, споменатиот уметник стана мета на потсмев и бројните корисници на социјалните мрежи јасно порачаа дека неговата работа е многу лоша и дека ликот не личи на Марадона.
Марадона почина во родната Аргентина на 25 ноември 2020 година на 60-годишна возраст од последици од срцев удар, а на неговата смрт ѝ претходеше операција за згрутчување на крвта во мозокот и во исто време се лекуваше од алкохолизам.
Во извештајот од 70 страници се наведува дека Марадона тешко се разболел дури 12 часа пред смртта и дека не бил под пропишана медицинска нега.