Бела Хадид предизвика невидено внимание на модната недела во Париз, кога со „прскање“ доби фустан во кој се прошета на модната писта.
Бела Хадид и она што се случи на модната недела во Париз е дефинитивно главна тема во модниот свет. Светските медиуми зујат за настан кој досега не се случил на модните писти - фустан ѓто беше создаден на писта за осум минути. Бела Хадид се појави само во гаќички, а потоа двајца мажи почнаа да ја прскаат со бела боја.
Никој не замислуваше дека на овој начин ќе се создаде фантастичен фустан, а сега е откриено како креаторите успеале да ја изведат оваа постапка. Станува збор за 3Д технологија која ја дизајнираше компанијата Fabrican Ltd од Лондон, а е основана во 2003 година од д-р Манел Торес.
Неговата идеја била да создаде фустан кој „на магичен начин одговара на телото, како втора кожа“. Така дошло до тоа неговата компанија денес да произведува „материјал кој се прска по телото“, а целиот процес трае само осум минути. Тие објаснија дека материјалот е направен од „кратки влакна поврзани со полимери и биополимери и зелени растворувачи кои испаруваат по прскањето, оставајќи само текстил“.
Верувале или не, она што остави најголем впечаток во јавноста е фактот дека креираниот фустан може да се испере, па дури и да се претвори во друга облека. Иако првично беше наменет исклучиво за модни цели, компанијата Fabrican Ltd потврди дека оваа технологија има неограничена примена.
„Сакавме да му го посветиме овој момент на д-р Торес, бидејќи многу го почитуваме она што го прави. Чувствувавме дека е апсолутно неопходно тој да го води шоуто, а за нас тоа го прави искуството уште помагично“, истакна креативниот директор на брендот, Арно Валан.
Сепак, на социјалните мрежи имаше спротивставени коментари, кои не ја споделуваа баш визијата на познатиот дизајнер. Многумина веруваа дека „нема потреба од такви вулгарности“ и се прашуваа „до кога најголем моден хит ќе бидат голите жени на модна ревија“.
