Според стручњаците, доколку жената се најде во овие ситуации - веројатно е дека ќе се случи прељуба.
„Некогаш бракот подразбираше основање на семејство и финансиско згрижување. Сега, во современото време очекуваме мноу повеќе - очекуваме среќа, добар секс, пријатели и многу други работи”, вели брачниот и сексуален терапевт Анџела Скрти.
На прашањето зошто жените изневеруваат, терапевтката вели дека причините се разни, но незадоволството во врската е едно од водечките причини.
„Во лоша фаза сме. Мојот партнер повеќе не се грижи за нас. Нешто не ни оди”. Ова се некои од објаснувањата кога сопружниците се незадоволни од бракот. „Непронаоѓањето задоволства во врската може некого да го натера тоа задоволство да го побара на друго место и да изневерува”, вели таа.
„Затоа, бидете искрени еден кон друг. Често, партнерите се свесни што недостасува во врската”, вели таа.
„Друга причина е ниската самодоверба - кога жената се бори со ниска самодоверба, тоа може да ја поттикне да побара некој надвор од врската или бракот”.
Терапевтката смета дека некои жени стапуваат во врска со идеализирана слика како би требало да се однесува нивниот сопружник. Кога партнерот нема да им ги исполни очекувањата и не може да ја исполни секоја нивна желба и потреба, тоа може да доведе жената да побара некого надвор од врската.
Осаменоста е исто така една од причините. Партнерот работи долго и поминува многу време надвор од дома, а осаменоста или чувството на изолација може да создаде плодна почва за афера.
Тврди дека неверствата се резултат на неочекувана прилика. „Понекогаш, двајца луѓе едноставно се зближуваат, иако секој од нив е во брак. Почнуваат да сочувствуваат, можеби поминуваат низ слични кризи и така се впуштаат во афера. Можностите постојат и во дигиталниот свет. Друштвените мрежи, апликациите за запознавање и разговор - со леснотија можеме да се поврземе со други луѓе”.