Поранешниот фудбалер на Арсенал, Патрик Виера денес стана нов тренер на англискиот премиерлигаш Кристал Палас, со кого потпиша тригодишен договор.
На тренерската клупа на Кристал Палас, тој го наследува 73-годишниот Рој Хоџсон, кој ги водеше „орлите“ четири сезони.
Од летото 2018 година до декември минатата година, Виера го водеше францускиот прволигаш Ница.
Сепак, тој таму доживеа тотално фијаско, бидејќи и покрај вложените 100 милиони евра во тимот, тој не успеа да постигне поголем успех.
Тој експресно испадна од Европа и претрпе серија порази во Лига 1, поради што на крајот беше отпуштен.
Да потсетиме, Виера освои три титули во англиската лига за време на својата играчка кариера со Арсенал, додека со репрезентацијата на Франција беше светски шампион во 1998 година и Европа во 2000 година.
