ПСЖ во реванш натпреварот со Барселона од осминафиналето на Лигата на шампиони одигра 1:1 и со тоа ја задржа предноста од 4:1 од првиот натпревар.
Лионел Меси ја пропушти можноста да го направи натпреварот многу поинтересен на крајот на првото полувреме. Најдобриот играч на Барселона имаше пенал за водство на Барселона од 2:1, но голманот на ПСЖ, Кејлор Навас, успеа да одбрани.
Судиите од ВАР собата проверија дали Навас бил на линијата кога го бранеше пеналот и заклучија дека одбраната е регуларна, но направија голема грешка бидејќи не забележаа дека еден играч на ПСЖ претходно влезе во казнениот простор. Марко Верати истрча низ полукругот во моментот кога Меси шутираше, а според правилата не смее да биде таму при изведување пенал, за на крај токму тој да ја расчисти топката од казнениот простор.
Според правилата, пеналот требаше да се повтори и Меси да добие уште една шанса да погоди за водство на гостите.