На Бадник секогаш се служат непарен број јадења, а наш предлог се овие 5 посни рецепти кои ќе ве воодушеват.
Трпезата за Бадник мора да биде посна, па затоа од година во година е слична. На менито обично има исти работи, како риба, тавче гравче, кисела зелка..., но и многу други вкусни посни јадења. Бадник се слави на ист начин како и пред години, а има некои правила кои мора да се почитуваат. Она што е важно е дека бројот на посни јадења е непарен, а на празничната трпеза задолжителни се леб/погача, пржена риба, салата од кисела зелка, тестенини со ореви, мед, црвено вино, кисели краставички, тавче гравче.
Потребни состојки:
- 1 кромид
- 3 чешниња лук
- 1 конзерва домати
- 2 конзерва грав
- 2 лажици доматно пире
- 2 лименки пелат
- 3 лажици вински оцет
- 2 лажици кафеав шеќер
- 1 лажичка мелена пиперка
- 1 лажичка слатка пиперка
- ½ лажичка бибер
- ½ лажичка сува мајчина душица
- сол
Подготовка:
Во тава загрејте малку масло, па додадете ситно сечкан кромид и добро посолете, а кога ќе омекне додадете толчен лук, како и шеќер. Добро измешајте, па истурете го оцетот. Гответе додека не испари, а потоа зачинете со слатка и мелена пиперка, мајчина душица и бибер. Додадете доматно пире и пелат и сè добро измешајте. Потоа во тавата додадете го исцедениот грав и измешајте. Печете околу 5 минути, потоа префрлете во рерна и печете на 180°C околу 15 минути.
Потребни состојки:
- 8 котлети крап
- 4 лажици брашно
- 4 лажици презла
- 1 лажичка лук во прав
- 1 лимон
- сол
- бибер
- масло
Подготовка:
Во сад измешајте брашно, презла и лук во прав. Зачинете ги котлетите крап со сол и бибер, па валкајте ги во добиената смеса. Пропржете ги на врело масло, па послужете ги со лимон.
Потребни состојки:
- 300 гр кисела зелка
- 1 конзерва грашок
- 1 кромид
- 2 стапчиња целер
- 2 лажици масло
- сол
Подготовка:
Исечкајте ја зелката на ленти или изрендајте ја. Потоа додадете грашок, исечкан кромид и целер. Посолете и прелијте со масло. Добро измешајте. Салатата е подготвена за послужување.
Потребни состојки:
- 200-300 гр тестенини
- 100 гр мелени ореви
- 100 гр шеќер
- малку сечкани ореви
- 50 гр посна слатка павлака
Подготовка:
Сварете ги тестенините, а потоа процедете ги и изладете ги. Погрижете се да не се залепат. Растопете го шеќерот со слатката павлака и варете додека не направите карамел крем. Прелијте ги тестенините, па посипете со мелени ореви.
Потребни состојки:
- 550 гр брашно
- 1 лажица сол
- 200 мл вода
- 100 мл млеко
- 10 гр квасец
- 1 лажица шеќер
- 35 мл масло
- малку маргарин
Подготовка:
Во сад истурете топла вода и млеко, а потоа издробете го квасецот и измешајте. Додадете шеќер и брашно, сè добро измешајте и оставете 10 минути да се активира квасецот. Во садот истурете брашно, сол, масло и активиран квасец и замесете тесто. Покријте со проѕирна фолија и оставете да стаса околу 40 минути. Потоа замесете тесто, развлечете подебел круг и потоа префрлете го во тавче подмачкано со масло. Покријте и оставете да нарасне уште 10 минути. Премачкајте со стопен маргарин или мајонез. Малку притиснете со вилушка и избоцкајте со чепкалка за заби, а потоа печете ја погачата во загреана рерна на 180°C околу 35 минути.