Вчера попладне пијан штипјанец прегазил осумдесетгодишен велосипедист, кој починал на местото на несреќата.
Педесет и едногодишниот штипјанец, кој управувал со лада, удрил во велосипедот, управуван од осумдесетгодишен сограѓанин.
Возачот на велосипедот починал на самото место, а смрт констатирал лекар од Итна медицинска помош.
Увид на местото на настанот извршиле Јавен обвинител и увидна екипа од СВР Штип. Било извршено алкотестирање на возачот и при што било утврдено присуство на 1,60 промили на алкохол во организмот.
По наредба на Јавен обвинител над телото на починатиот ќе биде извршена обдукција.
