Некогаш овој рецепт бил редовен гостин на трпезите ширум Југославија, а денес е паднат во заборав.
Пилешкото месо комбинирано со дуња било вистински специјалитет кој југословенските домаќинки го подготвувале, но со текот на времето некако бил заборавен. Денес ретко кој го прави, а се работи за вкусно јадење.
Целото пиле треба да се исече и да се вари заедно со парчиња дуња, кои претходно сте ги пропржиле. Спојувањето на солено и слатко е она што го прави ова јадење неодоливо. Навистина е штета што вакво вкусно јадење било заборавено, па ајде да го вратиме во живот. Вреди да се проба еднаш, па ако не го бива друг пат нема да го правите. Чисто се сомневаме дека тоа ќе биде случај.
Потребни состојки:
- 1 пиле
- 1 кг дуња
- 1 лажица брашно
- вода
- шеќер
- масло
- сол
- бибер
Подготовка:
Исечете го пилето, ставете го во тенџере, турете му вода и варете. На пола од варењето исклучете го шпоретот. Дуњите измијте ги, но не ги лупете за подоцна да не се распаднат, Исечкајте ги на кришки, извалкајте ги во шеќер, а потоа малку пропржете ги на масло. Извадете ги од тавчето, па во истото тавче и во истото масло додадете брашно и промешајте. После една минута вратете ги дуњите, додадете го пилешкото и водата во која сте го вареле, посолете и побиберете. Поклопете со капак и варете додека месото не биде готово.
По желба можете да го комбинирате со варен ориз и некој вид на компири.
