Покрај Гоце и Тито, сите ја забораваат трагедијата на Торино

Филип Здравески
/ 04.05.2020 / 13:23

Денеска е денот кога заминале два големи лика од македонската историја: Гоце Делчев и Јосип Броз Тито. Но, денеска е и денот кога во авионска несреќа загина целиот тим на Торино, тогаш шампион на Италија и најдобар тим во Европа.

Не бадијала ги викале Гранде Торино. Четири последователни Скудета, на пат биле да го грабнат и петтото пред судбината да ги покоси.

Италија се опоравувала по Втората светска војна, но една група на момци жареле и палеле по зелениот терен. Им немало рамен. Сѐ почнало во сезоната 1942/43 кога со 20 победи, 4 нерешени и 6 порази Торино станал шампион на Италија. Потоа поради војната им била скратена шансата да победуваат наредните две сезони, но од 1945/46 им се враќаат на победите. Повторно се најдобри, како и во наредните сезони 1946/47 и 1947/48.

Кобниот лет

На пет кола до крајот од сезоната 1948/49 Торино гостува во Милано кај главниот конкурент Интер. Натпреварот завршува без голови и Торино ја задржува предноста од 4 бодови, со што практично ја заверува титулата иако матемнатички не е така. Потоа Торино оди во Португалија на пријателски натпревар кај Бенфика во Лисабон во чест на нивниот капитен Шику Ферејра.

Составот на последниот натпревар
Составот на последниот натпревар

Наредниот ден, на 4 мај со авионот тип Fiat G.212CP се враќале дома полетувајќи во 9.40 часот. Во 13 часот авионот слетал во Барселона за да наполни гориво. Во 16.55 часот веќе биле во близина на Торино кога пилотите во комуникација со аеродромската кула пријавиле дека временските услови се многу лоши.

- Облаците се скоро во контакт со земјата, истура дожд, силен порој со налети, многу слаба хоризонтална видливост, околу 40 метри.

Аеродромската кула побарала информации за нивната локација. По неколкуминутна тишина стигнал одговор.

- Висина од 2 илјади метри. Ќе се пријавиме кај Пино, потоа вртиме кон Суперга.

Во 17 часот и 3 минути авионот се урива во брдото Суперга, во близина на тамошната базилика. Во 17.05 кулата пробува да воспостави контакт со авионот, но безуспешно.

Во несреќата загинуваат сите 31 лице во авионот: 4 членови на екипажот, 18 фудбалери, 3 членови на стручниот штаб, 3 членови на управата на клубот и 3 новинари.

Фудбалери:
Валерио Бачигалупо, 25 години, голман
Дино Баларин, 23, голман
Алдо Баларин, 27, одбрана
Емиле Бонџорни, 28, напаѓач
Еузебио Кастиљано, 28, средина
Рубенс Фадини, 21, средина
Гуљелмо Габето, 33, напаѓач
Роџер Ревели Грава, 27, средина
Џузепе Греѕар, 30, средина
Еѕио Лоик, 29, десно крило
Вирџилио Ромуалдо Марозо, 23, лев бек
Данило Мартели, 25, средина и крило
Валентино Мацола, 30, напаѓач
Ромео Менти, 29, напаѓач
Пјеро Оперто, 22, одбрана
Франко Осола, 27, напаѓач
Марио Ригамонти, 26 одбрана
Јулиус Шуберт, 26, крило

Торино беше предводен од 37-годишниот Англичанец Лесли Ливесли, кој исто така загина заедно со техничкиот директор Унгарецот Егри Ербштајн (50) и масажерот Отавио Кортина (52). Во авионот беа и тројца членови на клупската управа: Еџидио Ањизета (55, генерален директор), Иполито Чивалери (66, асистент) и Андреа Бонајути (организатор).
 
Загинаа и тројца новинари, по еден од Tuttosport (Ренато Казалборе, 58), Gazzetta del Popolo (Ренато Тозати, 40) и La Nuova Stampa (Луиџи Кавалеро, 42), сите од Торино.

Тоа мајско пладне загина и четиричлениот екипаж на чело со пилотот Пјерлуиџи Мерони (33), копилотот Чезаре Бјанчарди (34), техничарот Челесте Д'Инка (44) и радиотелеграфичарот Антонио Панграци (42).

Погребната поворка со ковчезите на Мацола и Бачигалупо
Погребната поворка со ковчезите на Мацола и Бачигалупо

На 6 мај, на денот на погребот, Италијанската федерација носи одлука Торино да биде прогласен за шампион иако до крајот има 4 преостанати кола. Првенството продолжува, Торино настапува со младинскиот тим, а неговите противници Фиорентина, Џеноа, Сампдорија и Палермо доброволно и тие играат со младинци во натпреварите со Торино.

Преживеани

Дефанзивецот Сауро Тома е единствениот од првиот тим кој останува жив бидејќи поради повреда на менискусот не ни отпатувал за Португалија. Вториот голман Ренато Гандолфи бил болен од грип, па и тој останува жив. Капитенот на младинскиот тим, Луиџи Џулијано, повремено игран и во првиот тим, исто така поради грип останал дома. Грип го спасил и претседателот на клубот, Феручо Ново.

За малку ќе загинел и селекторот кој Италија ја одведе до две титули светкси шампион, во 1934 и 1938. Виторио Поцо тогаш бил новинар, но место него клубот одлучил да патува Луиџи Кавалеро од La Nuova Stampa.

Мундијалот во Бразил 1950

Смртта на играчите на Торино ја погоди и репрезентацијата на Италија. Мацола, Баларин, Греѕар, Марозо, Менти, Лоик, Кастиљано, Габети, Ригамонти и Бачигалупо биле сите репрезентативци.

Валентино Мацола, Ецио Лоик и Алдо Баларин во репрезентацијата
Валентино Мацола, Ецио Лоик и Алдо Баларин во репрезентацијата

Италија крпи тим на лесо со токму оретседателот ан Торино, Феручо Ново и по една година оди на Мундијалот во Бразил, каде наместо да биде еден од фаворитите за пехарот на Жил Риме, оди колку да учествува. Италија со преполовениот состав испаѓа уште во групната фаза, а во тимот наместо да доминираат играчите на Торино, таму се некои други момци.

Торино никогаш повеќе нема да биде истиот клуб. Уште само еднаш ќе стане шампион и тоа дури во сезоната 1975/76, а после тоа седмо Скудето до ден денес чека некој нов Гранде тим.

реклама

Ја избричи брадата по 10 години и ја шокираше сопругата

Read more

Хороскопски знаци во кои се родени мажите со најтежок карактер

Read more

Филипче: Дел од граѓаните не се придржуваат до мерките, па и не веруваат дека вирусот постои

Read more

Светот има ново жариште – земја каде за многу луѓе физичката дистанца е невозможна

Read more

Спорт

Бундесфудбалот во корона низ објектив

Read more

Покрај Гоце и Тито, сите ја забораваат трагедијата на Торино

Read more
Вежбање од дома: Спортистите се снаоѓаат како што умеат

Вежбање од дома: Спортистите се снаоѓаат како што умеат

Read more
Навивачите на Баерн си поиграа со Милер во фотошоп

Навивачите на Баерн си поиграа со Милер во фотошоп

Read more

Фото

  • filter

26 мај 1942, потпишан Англо-советскиот воен договор

Читај повеќе
  • filter

Искрени илустрации за секојдневието на мајка со двегодишно дете

Читај повеќе
  • filter

Низ фотографии: Како изгледа Дубровник без туристи?

Читај повеќе
  • filter

22 мај 1939, Хитлер и Мусолини го потпишале Челичниот пакт

Читај повеќе
  • filter

Сликарка ја претвори куќата во уметничко дело за време на карантин

Читај повеќе
  • filter

Најдобрите фотографии од Comedy Wildlife Photography Awards 2020

Читај повеќе
  • filter

Најсмешните мемиња за серијата „La casa de papel“

Читај повеќе
  • filter

21 мај 1927, првиот непрекинат лет Њујорк - Париз

Читај повеќе
  • filter

20 мај 1506, умрел Кристофер Колумбо

Читај повеќе