Македонската кошаркарска репрезентација успеа да направи сензација и да ја победи Полска на гостински терен.
По разочарувањето во петокот кога во скопската сала „Кале“ Македонија загуби од Естонија, вечерва запиша победа на гости кај Полска во градот Сосновјец.
Македонците разликата ја направија во првата четвртина која ја добија со 25:16. Во втората се играше израмнета кошарка со по 22 поена на двете страни, а во третата Македонија се чини ја завери победата бидејќи разликата ја зголеми за уште 10 поени.
Во последната четвртија Македоинија одржуваше чекор со домаќинот, не дозволувајќи му да ја намали разликата од дваесетина поени, а на самиот крај и ја зголеми. На крајот конечниот резултат гласеше 71:96.
И покрај повредата од петокот, Ненад Димитријевиќ беше фантатсичен и заврши со скор од 32 поена и по 8 скока и асистенции. Итан Хап го следеше со 19 поени, 7 скока и 5 асистенции, а Стојхан Ѓуроски постигна 17 поени.
Кај Полјаците најефикасен беше Михау Михалак со 20 поени и 9 скока, додека Михау Сокоуовски уфрли 15 поени.
Мора да се напомене дека Полска во квалификациите игра растеретена од било какви императиви, бидејќи таа е еден од четирите домаќини на ЕвроБаскетот 2025 заедно со Кипар, Финска и Латвија. Тоа значи дека две репрезентации од триото Естонија, Литванија, Македонија ќе се пласираат на завршницата.
Во другиот натпревар од нашата Х група Естонија на домашен терен го совлада фаворитот Литванија со 65:59, резултат што воопшто не ни оди во прилог.
Квалификиациите продолжувата дури во номеври, кога Македонија ќе одигра двомеч со Литванија (на 21 дома, на 24 во гости).
Табела:
- Естонија 4
- Македонија 3
- Литванија 3
- Полска 2
