Авион Антонов-24 од советската ера со 30 патници слета во замрзната река во близина на аеродромот на истокот на Русија и тоа поради грешка на пилотот.
Ова го соопштија транспортните обвинители, пренесува Reuters.
Авионот Ан-24 на Полярные авиалинии слета на реката Колима во близина на Жирјанка во регионот Јакутија, соопштија обвинителите.
„Според прелиминарните информации, причината за инцидентот со авионот е грешка на екипажот при контролата на авионот“, се вели во соопштението на портпаролот на транспортниот обвинител на Источен Сибир.
Обвинителите објавија слики од авионот на замрзнатата река. Весникот Известия објави слики од патниците како слегуваат.
„Авионот Ан-24 слета надвор од пистата на аеродромот Жирјанка. Нема жртви“, се вели во краткото соопштение на Полярные авиалинии.
