Кошаркарите на Портланд Треил Блејзерс го победија фаворизираниот тим Лејкерс среде Лос Анџелес со 106:104, продолжувајќи ги брилијантните игри на почетокот од новата сезона во НБА.
Блејзерс од почетокот на натпреварот ги изненадија домаќините со одлична игра во нападот, а до одморот стручно ја чуваа предноста што ја стекнаа во првата четвртина.
Лејкерс целосно се вратија во третата четвртина кога направија пресврт, но гостите не се предадоа. Во последната четвртина одиграа фантастична одбрана и по голема драма на крајот стигнаа до заслужена победа.
Демиен Лилард беше фантастичен во редовите на Блејзерс со дури 41 поен, а имаше поддршка од Џерами Грант кој уфрли 16, додека Јусуф Нуркиќ немаше шутерска вечер, но одигра многу добра улога во одбраната забележувајчи 13 скокови.
Најдобар кај Лејкерс беше Леброн Џејмс со 31 поен, додека Ентони Дејвис имаше дабл-дабл учинок со 22 поена и 10 скока.
Портланд е втор во Западната конференција и по три натпревари допрва треба да загуби, додека Лејкерс се претпоследни со 0-3 скор.
Табела:
