Македонската репрезентација до 21 година во Анталија, Турција, ќе одигра три контролни натпревари против Латвија, Финска и Словачка, како дел од подготовките за почетокот на квалификацискиот циклус за ЕУРО 2024.
Прв повик за репрезентацијата на Македонија до 21 година добија голманот Васко Василев, левиот бек Марио Ричков, офанцивецот од средината Мартин Талаков и играчот од средниот ред на Работнички, Матеј Ангелов.
Поради тешка повреда на коленото, одбранбениот фудбалер на германски Аугсбург, Кристијан Тасевски, не се најде на списокот на селекторот Канатларовски. Алекс Златков, исто така поради повреда на задната ложа нема да биде во можност да конкурира за претстојните контролни средби.
Селекторот како замена за Тасевски, дополнително ќе повика уште еден играч од одбраната.
Канатларовски за претстојните дуели на нашата млада репрезентација прати повик до следните фудбалери:
Голмани:
Марко Алчевски - Академија Пандев
Иван Николоски - Беласица
Васко Василев - Риу Аве (Португалија)
Одбрана:
Марио Ричков - Шкупи
Стефан Деспотовски - Работнички
Андреј Стојчевски - Жилина (Словачка)
Имран Фетаи - Беса 1976
Решат Рамадани - Динамо (Украина)
Виктор Крстевски - Гостивар
Средина:
Мартин Талаков - Железиарне (Словачка)
Иван Николов - Брегалница
Хамза Рамани - Силекс
Димитар Тодоровски - Работнички
Лука Станковски - Горица (Словенија)
Ване Крстевски - Академија Пандев
Леонид Игнатов - Скопје
Методи Максимов - Шкендија
Бехар Фета - Воска Спорт
Матеј Ангелов - Работнички
Напад:
Марио Илиевски - Кишварада (Унгарија)
Христијан Малески - Струга
Берат Калкан - Касимпаша (Турција)
Распоред на натпревари:
23 март
Македонија - Латвија
25 март
Македонија - Финска
28 март
Македонија - Словачка
