Ладното време освен настинки со себе носи и други ризици, особено кога станува збор за греење. Неисправна инсталација, оџаци, па дури и новогодишните сијалични може многу лесно да предизвикаат пожар.
Токму за време на зимските месеци, во грејната сезона, пожарникарите бележат зголемен број на пожари во становите и куќите, а за да не дојде до такво нешто потребно е човек да се придржува до одредени правила.
Во зимскиот период неисправните оџаци се чест причинител на пожари, затоа е важно редовно да се чистат, додека изладената пепел од шпоретите на дрва треба да се одлага на предвиденото место. Во спротивно, без обѕир на ниските температури, жешката пепел во контакт со лесно запалливите работи, како на пример хартија, може да доведе до пожар.
Не го оставајте полначот вклучен во струја откако уредот што го полните ќе се наполни, редовно проверувајте ги продолжните кабли и никако немојте да вклучувате куќни апарати и свеќи и да ги оставате без надзор. Кога станува збор за готвењето, жешкото или запалено масло никако не смее да се гаси со вода, како ни електричните уреди и инстралацијата. Обично луѓето во паника веднаш полнат вода за да го изгаснат пожарот, но тоа може да биде кобно.
Според пожаникарите, ова се пет работи до кои секое домаќинство мора да се придржува за да избегне пожар:
1. Не го оставајте шпоретот вклучен без надзор.
2. Немојте да пушите цигара в кревет.
3. Редовно проверувајте ги електроинсталациите и системите.
4. Запалките чувајте ги подалеку од деца.
5. Немојте да користите греалки на гас или со отворен пламен (камин) во простории со слаба вентилација.
Доколку приметите пожар во домот, обидете се да останете смирени и веднаш повикајте пожарна.