Пол Погба летово ќе стане слободен играч и ќе го напушти Манчестер Јунајтед, но сè уште не одлучил во кој клуб ќе се пресели.
Угледниот британски The Guardian пишува дека е многу реална можноста францускиот репрезентативец да остане во Манчестер, но да ги промени клупските бои и да стане нов играч на Сити.
Погба би морал да се согласи на помала плата од онаа што ја имаше за Јунајтед, но тој е подготвен и за тоа, пишува The Guardian.
Гвардиола во него гледа идеална замена за капитенот Фернандињо, кој летово ќе го напушти клубот.
Тоа би било „предавство“ на деценијата, но се чини дека навистина ќе се случи. Исто така, би бил контроверзен трансфер, сличен на оној на Карлос Тевез во 2009 година, кога Јунајтед го замени за градскиот ривал. Погба во два наврати беше играч на Јунајтед - дојде како 16-годишник од Франција, но не доби шанса во првиот тим. Откако брилираше за четири години во Јувентус, Јунајтед го врати во 2016 година за 105 милиони евра.
Според сите пишувања на островските медиуми во последните недели, во Сити треба да дојде Ерлинг Холанд, уште еден играч чиј менаџер беше неодамна починатиот Мино Рајола. Пол Погба можно е да ги следи неговите стапки.
