Предлог за десерт за љубителите на чоколадо.
Потребни состојки:
- 200 г темно чоколадо
- 100 г млечнo чоколадo
- 100 г бело чоколадо
- 150 г путер
- 200 г шеќер
- 140 г брашно
- 3 јајца
- лажичка екстракт од ванила
- овошје по желба за декорација
Начин на подготовка:
На пареа растопете ги чоколадото, шеќерот и путерот. Кога чоколадото ќе се растопи, а сите три вида се добро измешани, одвојте неколку лажици чоколадо за декорација.
Во растопеното чоколадо додадете ги едно по едно јајцата, додека матете со миксерот на најмала брзина. Потоа додадете од брашното и мешајте со миксерот. На крајот, ставете екстракт од ванила.
Покријте го плехот со хартија за печење. Истурете ја смесата и печете 25 минути во рерна загреана на 170 степени.
Површината на колачот треба да има кора. Се сече на квадрати, се посипува со чоколадо и може по желба да декорирате со вашето омилено овошје.
