Полициски службеници од СВР Велес вчера утрото во 4:30 часот го лишиле од слобода Б.А.(47) од Велес, кој бил затекнат при извршување тешка кражба во патничко возило.
Од Министерството за внатрешни работи информира дека украдените предмети биле пронајдени и вратени на сопственикот.
Б.А. се сомничи дека и претходно сторил повеќе тешки кражби во патнички возила, а досега се расчистени шест од нив.
Тој бил приведен во полициска станица и по целосно документирање на случајот против него ќе бидат поднесени пријави по член 236 и член 206 од Кривичниот законик.
