Викендов се применуваше мерката за ограничување на движењето кое започнуваше во 14 часот и траеше до 5 часот наредниот ден.
Министерот за внатрешни работи Наќе Чулев на својот официјален Facebook профил напиша дека „граѓаните се одговорни, совесни и свесни“ и дека „генералната констатација е дека тие ги почитуваат мерките за ограничување на движењето“.
Тој исто така информираше дека во текот на изминатото деноноќие од страна на министерството за внатрешни работи констатирано е дека:
По однос на забраната за движење на ниво на целата држава 55 лица не ја почитувале забраната за движење, при што приведени се 45 лица, а за останатите се земени податоци и ќе следуваат соодветни мерки.
На територијата на државата, според евидентираните податоци, на 63 лица им се издадени решенија за изолација, а 11 лица потпишале изјави за самоизолација.
Во државен карантин се спроведени 34 лица.